启德作为内地买家租客钟情嘅地区，向来新盘交投同租务同样畅旺，不过相对其他传统地区，二手交投可能相对较少，如果主力于做二手销售嘅代理，会否较难喺区内作为事业起步点？
不过，作为已经喺启德区扎根一段时间嘅美联经纪，今日呢篇文章，正正想破除呢个迷思同埋固有印象 – 启德区“租客”，正是未来最大嘅生意来源。
以为“租楼”只属于业务上小部分？非也。根据唔少喺启德区内做到出色嘅同事分享，“租客并非过客，而系未来含金量爆灯嘅隐形买家”，尤其系区内有一大班年青、高收入嘅内地专才高才同埋家庭客，通常佢地住咗阵就会爱上呢区 – 新兴地区、有升值潜力、生活圈“同声同气”等，正常只要住一排，就会开始谂家庭规划，最紧要系而家“供平过租”嘅大环境，点会唔心动置业？
俾少少数据大家参考：启德区有大约3成买家系由租客转化，佢地平均住落1年左右就会置业。呢个“租转买”潜力，真系好唔错！
但系点样先做得好呢？我总结咗出色业绩同事们嘅4大策略，既轻松又有效：
- 活动黏人法：定期搞社区活动、运动日、讲座、小红书互动等。租客成日一齐玩，由陌生人变老友，感觉自己系“启德一份子”，黏性爆表，肯定唔走。
- KOL放大软实力：揾港漂KOL用IG、小红书、抖音分享真实生活，例如分享“启德住落系点？”—内地客最信“同路人”故事，效果远胜硬广。比起冷冰冰广告，呢啲内容杀伤力大得多
- 拉租客做自己人：拉有事业心嘅高质租客入团队，直接变代理！大家背景相近，沟通零障碍，仲形成良性循环，越养越多客。
- 增值服务加分：帮手搞定入住大小事，让租客住得舒服安心，经纪贴心，忠诚度自然爆灯，转买自然揾你做顾问。
启德区作为内地买家热门区域，优势明显，但真正长做长有嘅经纪，系懂得“以租养客”、构筑生态圈嘅。只要识得“先做人，后做生意”，业务自然又有温度又有“钱途”。
延伸阅读:
入市备忘
按揭资讯
高成数按揭 | 林郑Plan 2.0 | 按揭专家
最新动态
更多美联经纪成交个案 | 楼市新闻 | 美联楼价指数 | 铁路盘行情
卖楼锦囊
免责声明： 本文内容仅供读者参考。本公司已尽力确保资讯的准确性，但并不对文中所涉资料的完整性、即时性或准确性作出任何明示或暗示的保证。物业状况因个案而异，读者因信赖或使用本文资讯而引致的任何损失，本公司概不负责。