如果住喺屯门嘅朋友一定知道，田景、建生附近，唔少屋苑都系上车热门。所以今集介绍一啲年青上车客嘅好盘源，又点可以唔唔介绍几个性价比高，又大受欢迎嘅靓屋苑俾大家？

良景邨位于屯门区嘅西北边，倚靠青山，空气清新，环境怡人。屋苑位于田景路31号，由八座楼宇组成，提供超过6800个单位。受惠于租置计划，吸引唔少喺村内嘅上车客睇准机会！而且公屋格局一向以实用为主，作为上车第一站更加系稳阵之选。加上生活方便，良景邨有自设四层商场，占地超过170,000平方呎，2012年翻身之后，商店种类更新更多。良景街市已经改名成为良景市集，里面干净企理，饮食种类选择多元化。而且屋苑旁边就系良景站，出市中心，或者去西铁都系几个站内就到。而且村内亦有巴士总站，提供多条往返港九新界嘅巴士路线。

如果你钟意呢度，但又未能够受惠于租置计划？唔使担心，隔离就有居屋－新围苑。位于田景路23号嘅新围苑，由六座新十型大楼组成，拥有约2100个单位。呢度楼高35层，一梯十伙，提供2-3房单位，面积介乎四百几至六百几呎，实用率接近八成。日常生活，由于新围苑距离良景邨非常近，购物饮食几邨内商场同街市为主！想多啲选择，可以去到屯门市中心，V city等等一带嘅商场。交通方面，屋苑旁边就有新围站，直达西铁站方便迅速。

第三个要介绍嘅，同样都系居屋屋苑兆轩苑。兆轩苑喺屯门建生村旁边，由两座物业组成，单位总数超过1200伙。单位实用率达七成半，提供两至三房选择，面积介乎于三百几至五百几呎之间，大厅大窗，舒适开场。生活方面，屋苑比几个社区商场包围，例如建生邨嘅建生商场，仲有宝怡商场，盈丰商场，集合社区里面大部份日常百货、食肆超市等等嘅店舖，完全满足生活要求。同埋交通方面，兆轩苑坐落喺轻铁建生站旁边，坐两个站就到西铁兆康站。而且屋苑附近嘅巴士路线非常充足，出入港九主要地方，返工返学话都冇咁易。

如想了解多啲关于以上屋苑嘅资讯？欢迎向我们的在线客服查询！