成日听到出面啲人讲，地产代理呢行，系“睇天做人、靠运气”。我成日都话：错。我喺呢行已经做咗好多年，喺荃湾区入面亦都算系成绩几唔错嘅主管。咁多年，我见尽个楼市好似过山车咁升升跌跌。虽然市场我控制唔到，但系我可以控制自己个心态。
两个字：心．态。
就算风高浪急、市场大上大落，我都要做团队𠮶艘“远洋巨轮”——稳定、长期、持续。同事靠我，我靠心态。
我唔会计较短期得失。我最在乎嘅，系“团队成长曲线”——即系每个同事进步咗几多。有人上个月仲惊同客议价，今个月叻咗成倍；有人之前净系识cold call，而家自己拍片做social。呢啲，先系我真正睇嘅嘢。
退一万步讲，做错嘢？唔紧要。最紧要系识得“从错误里吸收”。
咁多年，我哋团队当然经历过低潮。我话：“平常心，慢慢整装上路。”高潮呢？“赢尽啲，但唔好自满，小心下一个浪冚埋嚟。”情绪稳定，先系真正专业。
你问我团队点解业绩咁掂？
我话你知，秘诀就系“集体智库模式”。
开会唔系我一个人“一言堂”讲晒，而系邀请成班同事一齐脑震荡。人人都有机会发言，自然锻炼到一支“个个独当一面、反应快、适应力强”嘅团队。呢啲，就系我团队嘅culture。
不得不提仲有饭局。我成日讲：“心通则事成。”对我嚟讲，饭局唔系纯social，而系用嚟打破隔阂——新旧同事、唔同脾气，一齐多啲交流就得。饭局，食嘅系感情，好似有啲老土，但又真系work。
最后我喺美联收获咗咩？知识、肯定、财富、友谊。正常人打工，拎到两三样已经偷笑。我喺度拎足晒四条A。不过，其实皆因系我个团队劲，呢啲，亦都系我人生嘅最佳回报。
“美联经纪日志”栏目简介:
在“美联经纪日志”专栏里，以不同美联经纪的视觉，分享楼市实况、不同客户的真实个案、业界秘闻及趣闻等。这里没有生硬的数据分析，只有充满血肉、实实在在的经纪人生。
延伸阅读:
入市备忘
按揭资讯
高成数按揭 | 林郑Plan 2.0 | 按揭专家
最新动态
更多美联经纪成交个案 | 楼市新闻 | 美联楼价指数 | 铁路盘行情
卖楼锦囊