成日有人问我，做地产要做得出色，系咪要靠“努力”同埋“搏命”？我会话：“努力”同埋“搏命”系基本，但“精准”先系王道。
我由基层营业员做起，到今日系将军澳区入面战绩相当唔错嘅主管。虽然身份变咗，但有2样野一直影响埋我嘅管理逻辑：乒乓球同旅游。
平时放假，钟意同个仔打乒乓波。个人觉得，乒乓球场同战场一样，讲求嘅系专注度同反应力。仲记得之前集团调整策略，叫大家尝试做多啲“转射”。可能唔少人第一反应系“惊”同埋“难”。但我睇到嘅，就系一个“餐士”—— 机会嚟到，就要全力扣杀！
我同团队同事讲：与其将所有时间、体力分散喺竞争大嘅新盘入面，不如试下将资源转去试做下其他目标。其实“业余”同埋“专业”球员之间都几大分别：
- 业余嘅球员： 见波就打，最后体力透支，得分寥寥。
- 专业嘅球员： 忍耐、布局，等“餐士”出现𠮶一刻，一次过爆发，精准扣杀！
“一击即中”唔系靠彩数，系靠个人对市况、唔同新盘动态、客户心理嘅精准洞察。呢种擅于分析同埋“转射”嘅战略，系我哋去年奠定业绩胜局嘅关键密码。
除咗球场，我最钟意去旅行探索世界。旅游教识我一件重要嘅事：适应未知。正如楼市日新月异，如果你仲系用十年前𠮶套方法去做生意，你只会被淘汰。我将旅游𠮶种“冒险精神”带入管理，仲成功带头做到第一批“尝鲜人”。
今时今日，仲有啲人话AI只系噱头，我话：错，其实善用AI，已经系我哋嘅“导航仪”。我身先士卒，亲自钻研各种AI工具，由客户分析、社交媒体拍片，到自动化跟进，仲要求成个团队一齐拥抱一个大幅提高效率嘅数码转型。
- 其他人仲喺度谂点揾客，我哋已经用AI锁定咗客群。
- 其他人仲喺度谂紧点写稿，我哋嘅短片已经上咗 Social Media。
呢种勇于求变嘅心态，大幅提升咗成交转化率。对我嚟讲，市场变幻莫测先好玩，因为我哋永远有一颗“游客”嘅好奇心去应对。
由当日𠮶个青涩嘅基层员工，到今日带领分行，我明白到：主管唔系一个职衔，而系团队嘅定海神针。当市场静嘅时候，我哋要好似旅游咁，勇于探索新路向（AI、数码转型）；当机会嚟到 (例如高佣盘“餐士”或“转射”) 嘅时候，我哋要好似打乒乓波咁，毫不犹豫，精准扣杀。
我最自豪嘅，唔系自己个人赚咗几多钱或者拎咗几多奖，而系见到成班同事喺财富上同埋心态上，一齐实现“双重创富”。呢种成功感，比起自己开张大单，正得多。
延伸阅读:
入市备忘
按揭资讯
高成数按揭 | 林郑Plan 2.0 | 按揭专家
最新动态
更多美联经纪成交个案 | 楼市新闻 | 美联楼价指数 | 铁路盘行情
卖楼锦囊