换楼人士，心水之选总系多不胜数。面对呢个苦恼嘅问题，我地美联自然会帮你排解疑虑，提供更多盘源俾你选择。今次我地就嚟到新蒲岗，了解下呢个混合于工业与住宅之间嘅地区，有乜嘢潜力换楼之选！

新蒲岗，可能俾人感觉系工商大厦林立。其实呢个已经系过时嘅想法！近年新蒲岗盘源不断出现，其中唔少都系换楼之选。星河明居，就系其中一个皇牌换楼热点。1998年正式入伙嘅星河明居，位于龙蟠街3号，起正钻石山地铁站上盖，一眼就望到。整个屋苑一共分五座，楼高50层，约1,684个单位。除咗顶层有少量嘅复式单位之外，大部份单位都500至600呎左右。佢嘅一大卖点，就系屋苑统一“三房”间隔，难怪会成为好多升级换楼人士嘅心头好。而且屋苑设有近10万嘅私人会所同花园平台，绝对系闹市当中嘅空中楼阁。屋苑平台下面，就系区内大型商场－荷里活广场，各式商铺应有尽有。地面就系钻石山地铁站同埋交通中心，方便程度可想而知。

如果换楼人士钟意一啲比较生活安静嘅地方，峻弦就系一个好地方。位于丰盛街51号嘅峻弦，沿飞鹅山腰建成，四周环抱翠绿，清幽雅致。屋苑由5座物业组成，属于中型规模，提供约723个单位。整个屋苑间隔相当多元化，开则由一房至四房连双套房都有。面积大约由400至1,600呎，主打2-3房嘅大码单位，绝对适合细屋搬大屋嘅换楼人士。而且屋苑有一个90,000呎嘅顶级会所，提供泳池，健身室、宴会厅，酒吧等等，吃喝玩乐一样精彩。虽然附近交通并唔算丰富，但楼下亦有接驳小巴往来彩虹站，班次相当频密，往来亦算方便。

住第三个压轴介绍嘅，就系新蒲岗嘅地标屋苑︰誉・港湾啦。2010年入伙嘅誉港湾，由7座物业组成，合共1,159个单位 。单位间隔由1房至4房不等，顶层亦有少量复式单位，长年受到大量换楼客追捧。除咗必有嘅高级大型会所之外，交通优势系誉・港湾嘅一大特色！首先邻近启德站约5分钟路程，已经异常方便，日后屯马线+沙中线集合一身“双线发展”，势必往来更加灵活。想搭巴士？呢度线路繁多，去港九新界都非常方便。另外一个卖点，就系屋苑坐拥大型商场Mikiki！由高级超市，以及潮流店铺样样齐备，完全满足生活所需！而且附近亦有好多不同嘅地道小食，隐世小店，方便你寻幽探秘。

今次嘅介绍就差唔多，系咪有兴趣想再知多D？立即按此向在线客服查询啦！