18区当中，如果要选出最健康嘅区域，沙田区绝对系三甲之一！无论扒龙舟或者跑步都系知名热点，而且周边群山翠绿包围，空气清新怡人。到底喺沙田区，有边啲地方可以成为健康之家？

呢度四周有绿化小树林，又有一大片嘅晴天，向下望少少，就系我哋今日要介绍嘅显径邨。位于沙田车公庙路69号嘅显径邨，属于租置屋计划下嘅公屋盘。屋苑由八座Y字型大厦组成，提供近5900个单位，大约300几至500几呎左右，间隔四正，方便住户装修设计。显径邨附近绿化带充足，四周围甚少高楼大厦，无论环境，空气都会令人心旷神怡，就算街跑亦非常舒适！加上显径邨亦有专属嘅显径体育馆，泳池、康乐中心等等俾喜爱运动嘅人士选择。交通方面，主力一定系一街之隔嘅显径站，去沙田、出九龙转车都非常方便。附近亦有多条通往九龙区嘅巴士路线，出行无需担心。

沿着显径邨行入少少，就见到另一个推介居屋屋苑，嘉田苑！六座弹性十字型设计嘅大楼，提供1680个单位，面积大约400至五百几呎左右，主打两房设计。附近嘅体育馆、自行车径、泳池等等设施，为喜欢运动嘅人士提供多元选择。除咗显径邨商场，住户可以搭港铁去到大围站，又或者去到沙田站行街shopping！大围站附近比较多平民小店，特色美食！新城市广场一带就更多潮流名店，令你乐而忘返。

头先经过大围站，唔知观众有冇留意到海福花园呢？屋苑属于私人参建居屋，位于积运街2-8号，整个屋苑由3座物业组成，提供约800个单位，全数都系两房户型，间隔四正，深受用家喜爱。先讲风景，海福花园附近翠绿雅致，高层仲可以远望狮子山，单系家居景观已经令人心旷神怡。运动方面，如果你系热爱踩自行车嘅人士，呢度附近就有好多自行车舖，相信一定揾到你心头好。如果喜爱跑步，沿着车公庙路一路跑到去城门河，可以一边欣赏河景，一边慢慢段练身心。至于交通方面，大围站距离屋苑大概只系3分钟左右嘅路程，车站贯通南北东西，无论想去边，都非常方便。

如想了解多啲关于以上屋苑嘅资讯？欢迎向我们的在线客服查询！