有养开宠物嘅你,无论系想置业定换楼,优先要考虑嘅,就一定系照顾咗毛孩主子嘅需要!如果你心仪嘅置业地方系喺沙田区,以下介绍呢三个屋苑唔单只喺可以养宠物。而且附近都有多项设施,适合毛孩主子开开心心散步玩耍。
呢度大部份单位都有开扬景观,唔系马场、城门河靓景,就系绿悠悠山景。呢个咁正嘅屋苑系火炭乐景街2-18号嘅银禧花园。既系港铁第一个大型私人商住项目,亦系沙田区内一线蓝筹屋苑,成交同放盘都好畅旺。8幢住宅大厦一字排开,提供总近2,260个单位。楼下唔单止自设商场。仲有自己街市,购物买𩠌真系非常方便。距离彭福公园都只系咫尺之近,你嘅主子想几时放电都得。而且同港铁火炭站只有几步之遥,交通便利就唔在讲。仲有各种巴士小巴直达全港各区,可以话占尽地利。
沿着同一条街行过少少,就系另一个推介屋苑: 御龙山。御龙山景观同交通配套同隔离银禧花园可谓一式一样。由10幢大厦组成。大厦楼高57至65层,合共提供1,375个住宅单位,主要提供2房至4房单位。同样自设商场外,屋苑最特大特色,系会所同园林总面积成22万呎,总长度逾500米。唔洗出街都可以同毛孩主子散步。会所采用欧洲宫殿设计,设施包括以古罗马为主题嘅室内温泉浴池,啱晒我哋服待完主子之后都可以放松一下!
而响城门河对呢个大型屋苑就系我哋推介另一个宠物宜居屋苑:碧涛花园啦!位于沙田区石门安景街19至21号嘅碧涛花园,共分3期,有10座楼宇,单位总数为1,734个。屋苑靠近城门河,逾半单位尽览沙田马场全景、更可以眺望吐露港优美海景。碧涛花园主打三房以上大单位,间格四正、户户开扬。你同嘅主子都有足够嘅生活空间啦。楼下嘅安景街公园,依河而建,可以俾你带心爱嘅主子一边散步一边欣赏城门河美丽景色之外,仲可以跑步踩自行车做运动。悠闲生活同健康人生可以同时兼得。而步行往邻近港铁屯马线石门站,只需约十分钟,石门站隔离嘅京瑞广场,有齐所有衣食住行所需。屋苑亦有专车往返沙田市中心,沙田城市广场系出名嘅宠物友善商场。你同你嘅主子都可以享受到优质嘅消闲生活嘅。
如想了解多啲关于以上屋苑嘅资讯?欢迎向我们的在线客服查询!