好多追求单位实用靓间隔嘅人士,都特别钟情于居屋盘,而屯门就有唔少靓则居屋,设计格局甚至同私楼有得挥。同样亦都会有一啲隐世嘅优质、靓则私楼唔多人知,今集就带大家一齐发掘。
讲到屯门嘅优则居屋,泽丰花园绝对系一大热门,泽丰花园属于私人参建居屋,五座物业,提供2208个2-3房单位。单位冇窗台设计,实用率高达九成以上,追求靓间格价买家仲唔流晒口水?屋苑沿屯门河而建,佢嘅亭林内园,更加系获奖嘅设计,令唔少单位都可以望到河景、山景或者优质嘅内园景。屋苑楼下就有泽丰商场,提供超市街市以及食肆等等嘅选择,旁边仲有卓尔广场同大兴花园,令你享受更多购物体验。泽丰花园楼下就有轻铁站,穿梭区内,想坐巴士?行过虹桥,就有港九巴士提供。
区内亦有另一个私人参建居屋深受欢迎,讲紧嘅就系景峰花园。屋苑由五座楼高30层嘅大厦组成,提供超过1500个单位。呢度主打两房户,实用率接近九成,生活环境静中带旺,绝对系区内嘅“优则”盘源!生活方面,景峰花园自设商场,里面有唔少嘅餐饮以及生活店舖,而且呢度附近亦有唔少街铺、便利店等等,价格亲民。屋苑楼下就有轻铁景峰站,两个站就到屯门兆康西铁站,出尖沙咀半个钟就到。
睇完居屋,就系时候带大家睇吓啲实用靓私楼,翠林花园就系其中一个隐世靓盘!恒基兆业发展嘅翠林花园,由5座30层嘅大楼组成,共有960个单位,第一至三座主打两房单位,第四至五座就主打两房两厅,实用面积介乎330至770呎之间。呢度单位实用率接近八成,间隔四正,方便摆位设计,而且屋苑有泳池、儿童游乐场以及私家花园,更觉性价比高,翠林花园附近有卓尔广场、大兴邨商场、同埋大兴花园嘅民生地铺,足以完全满足日常生活嘅需求。交通亦都非常方便,喺屋苑外坐轻铁, 5分钟就可以去到屯门站,以平日繁忙时间,大兴花园亦有多条港九村巴路线,可供选择。
客服热线:2311-1200