沙田社区配套发展成熟,生活多元化,令唔少年青人想系呢度安居置业!如果想喺度揾私楼,又有啲乜嘢好介绍?今次带大家睇晒三个沙田地标上车私楼屋苑,睇吓呢度会唔会有你嘅心水。
沙田区有三个“中心”都系上车嘅热门之选!第一个,就系好多人认识嘅沙田中心。作为沙田区传统私人屋人苑,位置占尽地利人和,屋苑由八座U字型排列嘅大厦组成,提供接近1500个单位,主打约300呎嘅1-2房嘅上车单位,楼上有平台花园为住户提供休憩空间,楼下就系人流畅旺嘅大型商场,购物、娱乐、消闲都非常方便。由于各大商场都有天桥连接,无论翻风落雨都唔使担心。屋苑距离沙田站都只系几分钟嘅路程,楼下亦有巴士总站提供不同地区嘅巴士路线,难怪备受上车客追捧!
另外一个热选屋苑,就系最近沙田站嘅伟华中心。由长江实业发展嘅伟华中心,一共有四座832伙,单位开则一律系两房细单位,极受上车客欢迎,不过盘源唔多,如果见到就千祈唔好错过。伟华中心楼下自设商场,不过住喺沙田嘅朋友都知道,其实几个商场都系连埋一齐,商店种类繁多!屋苑冇会所?唔紧要,楼下有大会堂、图书馆、沙田公园,样样都系精彩好去处。交通,沙田站就自然系首选!即使野就返屋企,楼下就有巴士总站提供大量往返嘅通宵巴士及小巴。
第三个要介绍嘅,就系区内传统上车盘︰希尔顿中心。呢个屋苑有四座大厦组成,提供928个单位,实用面积大约270几至400几呎左右,屋苑主要提供2-3房户,当中超过七成系两房上车单位,大厦有电梯直达商场,大约5分钟就可以行到去沙田站,沿途仲经过著沙田商场生活圈,除咗楼下嘅希尔顿中心商场,仲有行人天桥连接新城市广场同伟华中心,大大小小嘅商场任你行!相对上述两个屋苑,希尔顿中心邻近沙田文化博物馆以及车公庙,细味香港文化,或者想转番个好运?话都无咁易啦。城门河就喺旁边,想踩下自行车、跑步定散步,都非常舒适。
如想了解多啲关于以上屋苑嘅资讯?欢迎向我们的在线客服查询!