去得大圍車公廟當然希望求返支上上籤。來到大圍名城自然一樣想搵筍盤。大圍名城分三期發展，是區內第一個提供超過4000個單位的大型屋苑，全部是3房或以上的大單位。

大型私人屋苑名城位於大圍港鐵站，交通方便自然係名城最大賣點，隔一個站到九龍塘站 ,基本上罐穿全港香港，除此之外，大圍係馬鞍山線既起點，想入馬鞍山或者去烏溪沙，都唔使20分鐘。而係將來呢到既交通會為完善，因為大圍係將來沙中線既轉乘站，,要去東九龍或者過海都好快捷方便。

另外，巴士亦係大圍住客主要乘搭既交通工具之一，其中過海車既話可以搭182，會經灣仔，而出旺角總站尖沙咀有81C，去觀塘亦有89B，去荃灣亦都專線小巴添，如果夜返都唔使擔心，因為紅磡港鐵站有通宵車N281入返大圍。仲有63S係來往旺角既通宵巴士。

大圍擁有完善既交通配套，同時有旺中帶靜既環境，因為呢到有多間食肆同有齊基本日常生活所需既店舖，但周圍又唔會好似市中心咁擠迫，所以係到返學都係幾好既選擇，呢邊既小學屬於88區，其中比較受歡迎有沙田官立小學，聖母無玷聖心學校，香港九龍塘基督教中華宣道會陳元喜小學，同埋香港中文大學校友會聯會張煊昌學校等等。中學就屬於沙田區，都有唔少名校，例如聖羅撒書院，沙田崇真中學，沙田蘇浙公學，呢D都係大部分父母既心水之選。

平時返工返學已經又累又忙，得閒既時候應該要俾自己好好休息下，名城附近有唔少單車舖，閒時可以租部單車，由大圍踩去大尾督，欣賞沿路風景，又或者行去顯田游泳池游泳同香港文化博物館，一家大細都岩玩。要搵日常用品既話，金禧商場就有齊晒萬寧，超級市場等等既商舖。

咁若然想食下好野既話，大圍都有好多選擇架，想嘆下咖啡，品嚐下西式食物既話，有Dear Coffee & Bakery，古朴年代咖啡，日式餐廳就推介屋子，都幾受歡迎架，想食返D中式糖水，就有出名既亞婆豆腐花。

雖然有好多好食店，但都有好多人都中意買送返屋企煮飯，係大圍港鐵站附近就有大圍街市，或者行去成運路既德州­食品供應有限­­公司，專賣優質肉類，同埋新鮮海產。

客服熱線：2311-1200