有年輕朋友幾個月前準備買樓，當時我說應該於物業代理有時間，業主又願意開門時睇樓，而且要睇多幾間。萬一財爺在預算案中宣布減辣，可以立刻做決定，如果等撤辣之後才去睇樓，「睇得嚟都蚊瞓」。年輕朋友說不想浪費時間，一定要等撤辣之後才去睇樓。

年輕朋友唔明白物業投資者「快狠準」的意思，尤其是「準」，以為買了樓之後樓價上升，或者賣了樓之後樓價下跌就是準，即是眼光好準的意思。其實只是其中一個解釋，「準」字另一個意思就是準備工夫要做足，連樓都不去睇，又怎可以做到出價快、決定狠？

撤辣後，年輕朋友問我有沒有相熟代理可以帶他去睇樓。他說認識的物業代理全部都很忙，就算有時間都說業主不願意開門，只能接受業主的要價或者還一個價俾業主考慮，買成千萬的住宅單位不是買棵菜，無樓睇怎樣可以「落注」？但是他不買有其他人買，難道其他人買樓不用睇樓？所以他想不明白。年輕人不知道，買樓的人當然要睇樓，不過並不是今日睇，而是樓市淡靜的時候去睇，不做好準備工作，有筍盤靚樓都不識得執。

準備功夫除了睇樓之外，亦要睇自己的「荷包」，以及銀行取態。現在銀行按揭批核甚嚴，雖然話免除了壓力測試，但銀行要求買家有足夠的收入，如果不及格，按揭成數可能會較少。有人話不怕，如果樓價上升，即使銀行不批，由於政府撤銷了SSD，可以將買入的單位「摸走」。千萬別咁樣想，銀行已經預先公報不做「摸貨」生意，即是無下手買家，如果上不到會就唯有撻訂，到時就會眼白白睇住樓價上升，而自己就要撻訂，到時真係「喊都無謂」，唯有怨自己未做好準備功夫。筍盤是留給有準備的人。