露台普遍以長形設計為主，但今次《睇樓逐呎度》走訪入伙無耐嘅將軍澳嘉悅，無論大廳定係主人套房嘅露台，竟然採用梯形間隔，「上底」、「下底」長度不一，真係奇怪到一個點呀！各位聰明嘅網民大大，不如發揮吓無窮小宇宙，諗下呢款露台到底點解要咁設計呢？
今期參觀屋苑嘅3房套房單位，實用面積739方呎，最大特色係廳房不設窗台，加上樓底高逾10呎，地方見使好用。單位不設玄關，甫入屋即見大廳，長逾18呎、闊逾9.7呎，走廊將客廳與飯廳分隔，布置家具靈活。客廳外連小露台，令室內光猛舒服。
寢區開則歸一，設於廳堂旁邊，3個房間坐向與客廳一致，其中主人房採套房設計，未計浴室面積逾100方呎，地方闊落，加上相連小露台，係區內少有設計，別具特色。其餘2個房地方唔算大，面積均逾50方呎，幸好不設窗台，可盡用室內空間；而兩個客房嘅窗位皆只有逾6.6呎闊，採光度略嫌不足。
廚房僅闊逾5呎，放置廚櫃後空間唔算多，而廚內設有工人套房，與客廳及寢區分開，保障屋主私隱。美中不足嘅係，大廳至主人房之間嘅走廊長逾15呎，拖低單位實用性。另外，3個浴室都係冇窗戶，空氣有欠流通。
嘉悅為將軍澳南新入伙屋苑，坐落至善街，由2座大廈組成，雖然規模唔算大，但仍設有會所，設施齊全，且鄰近大型商場及港鐵將軍澳站。
[wzslider exclude=”13521″]資料來源:東網on.cc(2017年8月13日)
免責聲明： 本文內容僅供讀者參考。本公司已盡力確保資訊的準確性，但並不對文中所涉資料的完整性、即時性或準確性作出任何明示或暗示的保證。物業狀況因個案而異，讀者因信賴或使用本文資訊而引致的任何損失，本公司概不負責。