啟德作為內地買家租客鍾情嘅地區，向來新盤交投同租務同樣暢旺，不過相對其他傳統地區，二手交投可能相對較少，如果主力於做二手銷售嘅代理，會否較難喺區內作為事業起步點？
不過，作為已經喺啟德區紮根一段時間嘅美聯經紀，今日呢篇文章，正正想破除呢個迷思同埋固有印象 – 啟德區「租客」，正是未來最大嘅生意來源。
以為「租樓」只屬於業務上小部分？非也。根據唔少喺啟德區內做到出色嘅同事分享，「租客並非過客，而係未來含金量爆燈嘅隱形買家」，尤其係區內有一大班年青、高收入嘅內地專才高才同埋家庭客，通常佢地住咗陣就會愛上呢區 – 新興地區、有升值潛力、生活圈「同聲同氣」等，正常只要住一排，就會開始諗家庭規劃，最緊要係而家「供平過租」嘅大環境，點會唔心動置業？
俾少少數據大家參考：啟德區有大約3成買家係由租客轉化，佢地平均住落1年左右就會置業。呢個「租轉買」潛力，真係好唔錯！
但係點樣先做得好呢？我總結咗出色業績同事們嘅4大策略，既輕鬆又有效：
- 活動黏人法：定期搞社區活動、運動日、講座、小紅書互動等。租客成日一齊玩，由陌生人變老友，感覺自己係「啟德一份子」，黏性爆錶，肯定唔走。
- KOL放大軟實力：搵港漂KOL用IG、小紅書、抖音分享真實生活，例如分享「啟德住落係點？」—內地客最信「同路人」故事，效果遠勝硬廣。比起冷冰冰廣告，呢啲內容殺傷力大得多
- 拉租客做自己人：拉有事業心嘅高質租客入團隊，直接變代理！大家背景相近，溝通零障礙，仲形成良性循環，越養越多客。
- 增值服務加分：幫手搞定入住大小事，讓租客住得舒服安心，經紀貼心，忠誠度自然爆燈，轉買自然搵你做顧問。
啟德區作為內地買家熱門區域，優勢明顯，但真正長做長有嘅經紀，係懂得「以租養客」、構築生態圈嘅。只要識得「先做人，後做生意」，業務自然又有溫度又有「錢途」。
延伸閱讀:
入市備忘
按揭資訊
高成數按揭 | 林鄭Plan 2.0 | 按揭專家
最新動態
更多美聯經紀成交個案 | 樓市新聞 | 美聯樓價指數 | 鐵路盤行情
賣樓錦囊