大年初三早上,茶餐廳老闆一早Whatsapp給我,請我跑完步之後去茶餐廳食齋,更說「朝齋晚雜,生意湊合」,於是我恭敬不如從命。其實,除了齋菜之外,還有很多過年餸菜,最緊要有杯靚咖啡。老闆表示,今年鄉議局替香港抽到一條中籤,好過前幾年,幾乎每次都是下下籤。我睇籤文,好似唔係中籤,應該是下下籤,畫餅充飢仲唔係下下籤,還有什麼是下下籤?
今次解籤佬「捉到鹿都唔識脫角」,說什麼家宅不吉,求財不遂,這與籤文根本沒有關係。講到明是畫餅充饑,即是講納米樓。CY在任時,任由地產商畫餅充饑,以納米樓當正常小型單位出售,今年納米樓開始入伙,買了那些納米樓的人發覺很難長住,因為沒有二手市場,亦很難出售,這將會是地產市場計時炸彈。老闆說並不是解籤佬不識得解,而是不敢解。都是一句「搵食啫」。