養寵物，不一定要住獨立屋， 亦都不是村屋住戶的專利， 即使住在交通方便的市區地段， 亦可以享受飼養寵物、無拘無束的樂趣。

今次介紹給愛寵物人士的三個屋苑， 正正是九龍的旺區大角咀， 唔好以為傳統舊區欠缺寵物設施及相關配套， 其實大角咀有唔少公園及戶外空間， 絕對是寵物之家的心水選擇。

利奧坊‧曉岸

第一個養寵物人士不可以錯過的靚盤， 是位於利得街、由恒基發展的利奧坊‧曉岸。項目主打細單位，適合上車客及核心家庭， 利奧坊‧曉岸有兩座，樓高27層， 提供448個單位，間隔由開放式至三房， 實用面積介乎百幾呎至六百幾呎， 戶戶設有露台，而部分特色單位更設有大平台， 啱晒愛貓愛狗的人士， 空間闊落，絕對可以增添主人與寵物之間的互動。

屋苑三樓設有會所， 而平台花園亦適合帶寵物走動走動。 利奧坊‧曉岸鄰近港鐵奧運站， 有行人天橋直達，步行都唔駛十分鐘， 經東涌線過海，快捷方便，最啱跨區工作嘅你。 至於日常民生需要，附近亦滿足到， 基座設有利奧坊商場，連同同系列項目落成後， 會發展成大型商圈，食肆民生商店齊全， 附近亦有唔少寵物美容及用品店。

奧城‧西岸

另一個適合主人與寵物居住的屋苑， 是一街之隔的單幢式分層住宅奧城‧西岸， 樓高42層，每層兩伙至四伙，總共104伙， 實用面積由二百多呎至千幾呎， 提供一房至四房單位，以一房及兩房為主打， 樓盤另一賣點是中高層單位， 仲可以遠眺維港靚景，市區樓比較罕有。

而屋苑周邊配套同利奧坊‧曉岸差不多， 鄰近大角咀街市及熟食中心、 新九龍廣場等，民生商鋪同食肆樣樣齊。 同樣具備鐵路優勢的奧城‧西岸， 落樓唔駛十分鐘即達奧運站， 加上附近有多條巴士及小巴線， 貫穿港九新界，絕對是市區樓值錢的地方。

港灣豪庭

另一個精選的屋苑，是鄰近南昌公園的港灣豪庭， 這個由恒基發展的屋苑， 算是區內較大型樓盤，盤源供應多， 部分單位更擁有維港海景， 加上周邊綠化元素豐富， 落樓幾步就到南昌公園及通洲街公園， 絕對是你同愛犬去散步的好地方。 南昌公園擁有兩萬平方米的大型草坪， 是全港公園中最大， 無論大人、細路、抑或愛犬，都一定鐘意。

港灣豪庭共有10幢，每座樓高44層， 一梯8伙，有兩房至四房間隔， 面積介乎四百幾至八百幾呎，總共有3500多個單位。 港灣豪庭樓下有小巴線，直達旺角港鐵站等，方便快捷。 基座設有商場，超市、食肆、銀行等， 日常生活所需都顧及到。屋苑設有會所、而近萬平方米的平台花園，亦適合寵物做運動。

介紹大角咀的樓盤， 又點可以唔提大型商場奧海城！ 上述三個盤，去奧海城都相當方便， 入面嘅消閑娛樂購物元素唔需要多講， 但有個吸引之處可能你唔知， 奧海城二期對出露天空地是附近居民放狗的聚腳點， 啱晒愛犬之人帶同寵物，與至同道合的街坊交流交流。 仲有好介紹，由奧運站搭一個站到九龍站， 就到西九文化區， 開揚環境加超大草地，簡值是寵物嘅天堂， 相信主人同寵物都玩到唔捨得走。  

客服熱線：2311-1200