沙田樓盤眾多,亦係唔少年青人揀樓嘅黃金地區之一。交通選擇多,環境清幽,仲有難得嘅城門河,最重要就係盤源多元化。如果最近正有打算喺沙田置業嘅年輕人,今次嘅介紹就真係唔可以錯過啦!
後生仔買樓,通常都係先睇一啲入場門檻低嘅單位,好運中心,就係唔少人選擇嘅第一目標。位於沙田嘅好運中心,屬於80年代嘅香港私樓,8座住宅大廈,約1400個單位,作為區內傳統物業,屋苑亦有提供1-2房嘅上車單位,其餘就係大細三房嘅選擇。好運中心喺沙田出名靚景,單邊嘅外圍單位可以望到城門河同埋對面公園,另一邊嘅內園景同市景亦都相當廣闊。後生仔住喺呢度,最開心梗係可以去晒成個新城市廣場購物圈,上至國際名牌,下至地區小店,休閒娛樂統統齊晒!商場直通沙田站,附近巴士小巴路線豐富,出行極之方便。
第二個要介紹嘅,就係同好運中心一河之隔嘅愉田苑。屋苑有七座物業,超過1700個單位,主打典型居屋兩至三房戶型。屋苑優點多多,首先,實用比率高達8成以上!而間隔四正,空間感十足!其次,鄰近城門河,加上被公園包圍,整體環境清幽,鳥語花香。就咁聽以為呢度山旮旯?唔使2分鐘路程,就行到第一城站啦!附近亦有唔少來往港九嘅巴士同小巴路線,方便返工返學嘅住客。屋苑鄰近愉翠商場同埋第一城商場,提供唔同嘅店舖!如果時間唔趕,沿着城門河散步過去沙田新城市廣場,都只係15分鐘左右,睇住靚景行街,簡直係賞心樂事!
如果想搵啲在靚啲風景嘅地方,介紹你去另一個沙田屋苑︰穗禾苑。一眼望過去,9座風車型設計嘅大廈,擁有約3500個單位,同樣提供典型兩至三房間隔,實用率超過八成,間隔極為實用。由於位處半山,呢度風景一流,居高臨下城門河嘅美景!空氣清新,單位通風舒爽。穗禾苑自設商場,入面生活配套基本齊備!山下面仲有區內著名嘅大排檔添!交通方面,屋苑以巴士、小巴出入為主!呢度嘅交通路線繁多,將軍澳、九龍塘、沙田、荃灣等等嘅點對點巴士都有提供,亦有小巴循環來回火炭站,出入亦算方便。
如想了解多啲關於以上屋苑嘅資訊?歡迎向我們的在線客服查詢!