我地呢行成日有人講，「內卷」得好厲害，個個代理都絞盡腦汁搶客。不過，我就同團隊講：盲目去卷體力，不如去卷「價值」。
我去年帶領港島西團隊做出唔錯嘅成績，好多同事都問我秘訣。其實市道好與壞，對我嚟講都係一樣，最緊要係你有冇捕捉到風口，同埋你有冇嗰份「贏輸都一齊」嘅膊頭。
解決高才「痛點」有「錢途」
政府優化人才計劃，成千上萬嘅內地高才、專才湧入各區。大家都知，呢個係代理業界天賜紅利，但點樣先有份打動到呢一班顧客？
我知道，有少部分代理繼續用「sell盤」、「sell價錢」、「hard sell廣告」等等方法。當然呢啲方法都會有一定效果，但我就選擇帶領旗下同事玩「全渠道佈局」，將小紅書、IG、抖音變成我哋嘅最強武器。
特別係，我哋拍片、做社交媒體內容，最核心嘅秘密就係：唔只賣樓，而是賣點樣解決「痛點」。
- 部分代理： 「呢個單位幾多呎、幾多錢，即刻約睇！」
- 我哋團隊： 「內地專才嚟到香港，細路仔點搵學校？點樣快速適應港島生活圈？」
內地客嚟香港，唔太熟悉香港行情，更加著重「信任」兩個字。你幫佢搞掂生活上嘅痛點，佢就會當你係可靠嘅「盲公竹」，買樓租樓自然第一時間搵你。之前就有個內地高才，睇完我哋一條片，覺得我哋夠專業、夠貼心，落港島搵樓幾日，就極速促成咗一宗成交。
邊個能夠用「誠意同內容」去打動呢班客，邊個先係贏家。
「我背靠集團 集團背靠我」」
除咗對客，對內嘅文化先係決定一個團隊行得幾遠嘅關鍵。喺我嘅團隊入面，從來冇高高在上嘅「階級壓迫感」，反而係一種「智庫式、一齊去搏」嘅氛圍。
做地產，一定會遇過「奇難雜症」或者棘手個案。新同事、新晉專才經驗唔夠，驚做錯？ 我話：「唔緊要，有我坐鎮。」
每逢遇到複雜Case，我都會拉埋啲資深同事、新同事一齊開會，大家無分彼此，一齊腦震盪去拆解客人的痛點。做得好，功勞係同事嘅；有咩事，都有我呢個主管行出嚟頂！
我成日同大家講：「我可以背靠集團，而你哋，可以隨時背靠我。」
一
個真正嘅領袖，最緊要識得「承擔」。當同事覺得有「安全感」、有「參與感」，成個團隊就會好似一個「家庭」一樣咁緊密，流失率自然低，戰鬥力自然爆燈！
用溫度戰勝「內卷」
做地產代理，最緊要用心跟客、待客以誠，聽落好老土，但往往最老土嘅野就最有效。當你識得將線上流量，用最真誠嘅線下服務去接住，生意額水漲船高只係必然嘅結果。
今年高才商機繼續爆發，我會帶住港島西呢班兄弟姊妹，不忘初心，用溫度、用誠意，繼續喺市場突圍而出！
延伸閱讀:
入市備忘
按揭資訊
高成數按揭 | 林鄭Plan 2.0 | 按揭專家
最新動態
更多美聯經紀成交個案 | 樓市新聞 | 美聯樓價指數 | 鐵路盤行情
賣樓錦囊