成日聽到出面啲人講，地產代理呢行，係「睇天做人、靠運氣」。我成日都話：錯。我喺呢行已經做咗好多年，喺荃灣區入面亦都算係成績幾唔錯嘅主管。咁多年，我見盡個樓市好似過山車咁升升跌跌。雖然市場我控制唔到，但係我可以控制自己個心態。
兩個字：心．態。
就算風高浪急、市場大上大落，我都要做團隊嗰艘「遠洋巨輪」——穩定、長期、持續。同事靠我，我靠心態。
我唔會計較短期得失。我最在乎嘅，係「團隊成長曲線」——即係每個同事進步咗幾多。有人上個月仲驚同客議價，今個月叻咗成倍；有人之前淨係識cold call，而家自己拍片做social。呢啲，先係我真正睇嘅嘢。
退一萬步講，做錯嘢？唔緊要。最緊要係識得「從錯誤裡吸收」。
咁多年，我哋團隊當然經歷過低潮。我話：「平常心，慢慢整裝上路。」高潮呢？「贏盡啲，但唔好自滿，小心下一個浪冚埋嚟。」情緒穩定，先係真正專業。
你問我團隊點解業績咁掂？
我話你知，秘訣就係「集體智庫模式」。
開會唔係我一個人「一言堂」講晒，而係邀請成班同事一齊腦震盪。人人都有機會發言，自然鍛鍊到一支「個個獨當一面、反應快、適應力強」嘅團隊。呢啲，就係我團隊嘅culture。
不得不提仲有飯局。我成日講：「心通則事成。」對我嚟講，飯局唔係純social，而係用嚟打破隔閡——新舊同事、唔同脾氣，一齊多啲交流就得。飯局，食嘅係感情，好似有啲老土，但又真係work。
最後我喺美聯收穫咗咩？知識、肯定、財富、友誼。正常人打工，拎到兩三樣已經偷笑。我喺度拎足晒四條A。不過，其實皆因係我個團隊勁，呢啲，亦都係我人生嘅最佳回報。
「美聯經紀日誌」欄目簡介:
在「美聯經紀日誌」專欄裡，以不同美聯經紀的視覺，分享樓市實況、不同客戶的真實個案、業界秘聞及趣聞等。這裡沒有生硬的數據分析，只有充滿血肉、實實在在的經紀人生。
延伸閱讀:
入市備忘
按揭資訊
高成數按揭 | 林鄭Plan 2.0 | 按揭專家
最新動態
更多美聯經紀成交個案 | 樓市新聞 | 美聯樓價指數 | 鐵路盤行情
賣樓錦囊