大圍居屋富嘉花園屬於私人參建居屋，有3座物業，提供864伙，2房同3房比例各佔一半。
雖然規模細，但最強賣點顯而易見！屋苑同港鐵大圍站只係一街之隔，平日出入慳返唔少時間，加上實用率高達89%，人氣、地利冠絕全區！住客亦可以去村南道嘅小巴站駁腳，治途巴士站出入市區，交通選擇多元化。
富嘉花園不設住客會所，但有休憩花園、停車場。每座大廈都有平民地舖，附近有便利店、小食店、茶餐廳，同隔離嘅金禧花園亦有商場、街市，組成最親民小社區，補給購物搵食一樣方便！
富嘉花園屬於88小學校網，當中包括沙田官立小學 （沙田新田圍邨）、聖母無玷聖心學校 （沙田文禮路35-37號）、香港九龍塘基督教中華宣道會陳元喜小學 （沙田秦石邨）、香港中文大學校友會聯會張煊昌學校 （沙田顯徑村嘉田苑）。
沙田區中學選擇就有：聖羅撒書院 （沙田銀城街29號）、沙田崇真中學 （沙田新翠邨）、沙田蘇浙公學 （沙田禾輋邨豐順街7號），都係區內家長心儀學校！
免責聲明： 本文內容僅供讀者參考。本公司已盡力確保資訊的準確性，但並不對文中所涉資料的完整性、即時性或準確性作出任何明示或暗示的保證。物業狀況因個案而異，讀者因信賴或使用本文資訊而引致的任何損失，本公司概不負責。