有養開寵物嘅你,無論係想置業定換樓,優先要考慮嘅,就一定係照顧咗毛孩主子嘅需要!如果你心儀嘅置業地方係喺沙田區,以下介紹呢三個屋苑唔單只喺可以養寵物。而且附近都有多項設施,適合毛孩主子開開心心散步玩耍。
呢度大部份單位都有開揚景觀,唔係馬場、城門河靚景,就係綠悠悠山景。呢個咁正嘅屋苑係火炭樂景街2-18號嘅銀禧花園。既係港鐵第一個大型私人商住項目,亦係沙田區內一線藍籌屋苑,成交同放盤都好暢旺。8幢住宅大廈一字排開,提供總近2,260個單位。樓下唔單止自設商場。仲有自己街市,購物買餸真係非常方便。距離彭福公園都只係咫尺之近,你嘅主子想幾時放電都得。而且同港鐵火炭站只有幾步之遙,交通便利就唔在講。仲有各種巴士小巴直達全港各區,可以話佔盡地利。
沿着同一條街行過少少,就係另一個推介屋苑: 御龍山。御龍山景觀同交通配套同隔離銀禧花園可謂一式一樣。由10幢大廈組成。大廈樓高57至65層,合共提供1,375個住宅單位,主要提供2房至4房單位。同樣自設商場外,屋苑最特大特色,係會所同園林總面積成22萬呎,總長度逾500米。唔洗出街都可以同毛孩主子散步。會所採用歐洲宮殿設計,設施包括以古羅馬為主題嘅室內溫泉浴池,啱晒我哋服待完主子之後都可以放鬆一下!
而响城門河對呢個大型屋苑就係我哋推介另一個寵物宜居屋苑:碧濤花園啦!位於沙田區石門安景街19至21號嘅碧濤花園,共分3期,有10座樓宇,單位總數為1,734個。屋苑靠近城門河,逾半單位盡覽沙田馬場全景、更可以眺望吐露港優美海景。碧濤花園主打三房以上大單位,間格四正、戶戶開揚。你同嘅主子都有足夠嘅生活空間啦。樓下嘅安景街公園,依河而建,可以俾你帶心愛嘅主子一邊散步一邊欣賞城門河美麗景色之外,仲可以跑步踩單車做運動。悠閑生活同健康人生可以同時兼得。而步行往鄰近港鐵屯馬線石門站,只需約十分鐘,石門站隔離嘅京瑞廣場,有齊所有衣食住行所需。屋苑亦有專車往返沙田市中心,沙田城市廣場係出名嘅寵物友善商場。你同你嘅主子都可以享受到優質嘅消閑生活嘅。
如想了解多啲關於以上屋苑嘅資訊?歡迎向我們的在線客服查詢!