近年港鐵貫穿全香港，返工返學都夠晒趕，自然希望自己居住環境底下，有港鐵加持！所以今集嚟到返工集中地嘅長沙灣，睇吓呢度有啲咩港鐵好盤源值得推介 ！

首先介紹係傳統屋苑-美居中心。佢實用面積高，上車容易，符合好多實際客戶嘅經濟需求。 雖然佢樓齡唔算年輕，勝在外貌保養得宜。合共有七座住宅大廈，提供約700個單位。 大部份啲兩房開則，亦都有少部份一房單位。佢嘅擺位方便，實用率達到八成。 美居中心樓價係三個屋苑中最親民，主打兩房單位，面積介乎278至322呎，冇窗台露台，實用率超過八成以上！對於上車、實用人士嚟講，mark定絕對無錯。 而且呢度距離長沙灣站只係5分鐘距離，返工返學人士，一定啱晒你！如果你咁岩喺長沙灣返工，仲唔恨死隔離？

第二個介紹嘅係星匯居，作為西九龍新進臨海私樓，加上樓齡新，成為唔少上車客嘅心水選擇。 佢鄰近西九四小龍及港鐵長沙灣站，臨海而建，部份單位更加飽覽廣闊嘅海景，可以望到西區海景，最特別嘅係高層單邊戶外海景特別開陽，更加享有10尺高嘅樓底，室內空間感自然更大。 星匯居部份高層單位，可以望到維港嘅遠海景，內園景亦相當怡人！ 屋苑亦都配備頂級私人會所，大人細路嘅設施全部有齊，一家大細，假日就自然多個選擇！ 呢度最大特色，就係長沙灣站同埋荔枝角站路程都差唔多。

10分鐘左右就到深水埗大四喜當中，大家一定會聽過嘅喜薈，係「喜字」屋苑當中單位最多嘅屋苑。 屋苑三座物業提供350個單位，開積有1-3房，面積介乎391至674呎！ 屋苑提供住客會所，亦有兩層地庫停車場！最吸引嘅地方，當然就係佢擁有自己嘅基座商場，方便住戶日常生活購物 ，商場麻雀雖小，但係五臟俱全！超市、餐廳、醫務所等等全部有齊，一想有啲乜嘢要求，落樓基本可以一次搞掂 而且保安道同順寧道街市林立，鍾意自己買餸煮嘢食嘅朋友，呢度就絕對係你哋嘅福地！

今集介紹係咁多，仲想知多啲屋苑資訊？立即按此查詢！