【1% Anthony】2020回顧與2021前瞻

讀者來信

Anthony Sir 你好!一年又過去了,疫情影響,今年真係好似消失咗咁,但係樓價又冇乜點跌,你覺得來年樓市會點呢?

 

回覆讀者來信

先講
最近身邊仍然有不少朋友及分析員覺得會大跌,試想想,社會運動維持了一年,疫情又維持了一年,要跌一早跌咗啦!其實樓價指數已下跌了差不多一成,個別單位可以平到兩成或以上,兩年過去了,要劈價都劈得七七八八,看看大圍新盤的銷情就知道,香港人真的錢太多了,疫苗到後,報復式反彈可期。

受惠林鄭PLAN,預期600~1000萬的中價樓,仍然會是焦點,成交及升幅會跑贏。上車的朋友,好消息!之前因為按揭限制,細價樓大幅跑贏,預期細價樓將會回歸平靜,回歸現實,價錢會有適度調整,值得留意!至於1000萬以上的高價物業,由於企業經營困難,短期內相信升幅不會明顥。投資首選中價樓!

 

再講非住宅
受惠政府撤消雙倍印花稅,並放寬按揭成數至5成,預算非住宅物業將會谷底反彈,始終香港有好多人好有錢,手上的住宅物業升咗好多好多,但係又冇人名買住宅,買非住宅是不錯選擇。

 

車位
對一般小市民來說最容易理解,銀碼也細,一般舊式上車屋苑,百多萬就有交易,風險也不高,只要你有開車,大概都知道甚麼是車位靚、值錢,留意買賣出租限制就可以,但租金回報較低,如果諗唔到買乜,小注無妨,預期2021年會越來越熱鬧。

 

商舖
難度最高,風險也最高!第一,自由行高峰期已過;第二,後疫情經濟下,全世界已經習慣網購;這兩個大趨勢似乎無可避免!對一般小市民來說,資金不多,只能買到面樍極細、位置人流極靜、沒有來去水做唔飲食的舖位,這些舖位針對小微企做乾資,風險甚高!當然有危有機,疫情令舖市大跌,如果買到超平價,而你又懂得做門市有能力做旺個場,也可以賺錢。商舖投資者一向反應最怄,預期短線成交會甚為活躍,跌勢亦會減慢。

 

工商廈
疫情影響下都跌咗唔少,不過冇商舖跌得咁多,始終各大中小微企都要運作,疫情過後,經濟模式逆轉,例如以往你購物,會到百貨公司慢慢行慢慢睇,現在你都會行街,但只為消閒,未必為購物,因為就算睇啱,都會上網格吓價,睇吓淘寶有冇平,在這個模式之下,工商廈需求反而會更穩定,網絡系統、倉存物流、金融理財等,都是工商廈的潛在用家,預期會穩步上揚。

 

 

相關文章 :

【樓市蔣門人 Lucy】樓市危中必有機 想買樓上車,又或者投資樓市的朋友,總是想在樓市最低的時候入貨,最高的時候離場,以賺取最多的利潤。現時,正是樓市下行的好時機。...
買舖定買樓?投資新手實戰指南|特別嘉賓:李根興、布少明、盧展豪、張仲欣... 踏入年尾消費旺季,加上通關效應,樓舖皆旺,2022兩大板塊走勢如何?投資新手買舖定買樓?兩者在門檻、技術與回報有何分別?如何穩操勝算? 邀得...
【樓巿蔣門人Lucy】香港樓市跟疫情一齊進入第四波?... 今年入秋最關心的話題之一,是疫情會否進入第四波。政府、醫務界專業人士都提醒市民要謹慎再謹慎。近期香港人打疫情仗已經好努力,尤其是經歷完第三波...
【1% Anthony】讀者來信:財務自由要有目標... Anthony Sir你好!上星期我都有睇「我要做業主」,見到你們的戰友只有35歲就已經財務自由了,很羡慕啊!現在樓價咁貴,如果想好似她一樣...
【1% Anthony】讀者來信:為何貨尾一般偏貴?... 最近睇了一個半新盤的兩房單位,唔知抵唔抵,代理跟我說附近有個新盤,最後幾間賣出的價錢已經比我這個單位貴三成,一房都賣到過千萬,所以我這個單位...
分享: